News

ធ្លាប់អត់ ថាដឹងថាឈឺ តែមិនដឹងឈឺអ្វីឲ្យច្បាស់?

ហើយចុះអ្នកធ្លាប់ដឹងធ្លាប់លឺ ឬធ្លាប់បានទៅធ្វើតេស្តឈាម ពីមុនមកទេ? 

អំពីការធ្វើតេស្តឈាម 

ការធ្វើតេស្តឈាមជាប្រភេទតេស្តវេជ្ជសាស្រ្តទូទៅដែលគេប្រើប្រាស់យ៉ាងទូលំទូលាយបំផុត ព្រោះវាអាចឲ្យគ្រូពេទ្យងាយក្នុង ការរង្វាយតម្លៃ និងវិនិច្ឆ័យរោគដូចជា៖

• ស្ថានភាពសុខភាពទូទៅរបស់អ្នក ដែលទទួលឥទ្ធិពលពីរបបអាហារ និងទម្លាប់រស់នៅប្រចាំថ្ងៃ
• តើអ្នកមានការឆ្លងមេរោគ ឬ ជំងឺមួយចំនួនដែលមិនបង្ហាញរោគសញ្ញាឬក៏អត់? 
• ដំណើរការមុខងារនៃសរីរាង្គមួយចំនួនដូចជាថ្លើម និងតម្រងនោម
• ស្វែងរកជំងឺតំណពូជ(សេនេទិច)មួយចំនួន

អត្ថប្រយោជន៍នៃការធ្វើតេស្តឈាមជាប្រចាំ (យ៉ាងតិចម្តងក្នុងមួយឆ្នាំ)

• ជាទូទៅលទ្ធផលនៃការតេស្តឈាម ជួយឲ្យអ្នកជំនាញថែទាំសុខភាពរបស់អ្នក អាចវិនិច្ឆ័យរោគបានលឿន និងត្រឹមត្រូវ ដែលអាចជួយសន្សំសំចៃពេលវេលា និង ថវិកា។
• ប្រវត្តិលទ្ធផលនៃការធ្វើតេស្តឈាមទៀងទាត់ អាចឲ្យអ្នកជំនាញថែទាំសុខភាពរបស់អ្នក រកឃើញយ៉ាងងាយស្រួលនូវអ្វីៗដែលមិនប្រក្រតីចំពោះរាងកាយរបស់អ្នក និងណែនាំការព្យាបាល ឬការបង្ការនានាដែលត្រឹមត្រូវ មុនពេលវាយឺតពេល។

តើការធ្វើតេស្តឈាមទូទៅ ពិនិត្យមើលអ្វីខ្លះ? (សម្រាប់ការពិនិត្យសុខភាពទូទៅ)

• ជាទូទៅ ការធ្វើតេស្តឈាមទូទៅ ពិនិត្យមើល៖ 

• ការរាប់ចំនួនគ្រាប់ឈាមសរុប Complete blood count (Hemogram) 
• កម្រិតជាតិស្ករក្នុងឈាម (គ្លុយកូស)
• កម្រិតជាតិខ្លាញ់កូឡេស្តេរ៉ុល (Cholesterol)សរុបក្នុងឈាម
• កម្រិតអាស៊ីតអ៊ុយរិច(Uric Acid) ក្នុងឈាម
• កម្រិតជាតិពុលអ៊ុយរ៉េ (Urea) ក្នុងឈាម
• មុខងារតំរងនោម ថ្លើម និងក្រពេញទីរ៉ូអ៊ីត
• ពិនិត្យរកមេរោគ និងអង់ទីករការពាររលាកថ្លើមប្រភេទ B និង C
• ពិនិត្យរកមេរោគក្រពះក្នុងឈាម
• ការធ្វើតេស្តទឹកនោមបន្ថែម

តើត្រូវត្រៀមខ្លួនដូចម្តេចខ្លះសម្រាប់ការធ្វើតេស្តឈាមទូទៅ?

មុនពេលធ្វើតេស្តឈាម អ្នកជំនាញថែទាំសុខភាពនឹងប្រាប់អ្នក ថាតើមានការណែនាំជាក់លាក់ណាមួយ ដែ​លអ្នកត្រូវធ្វើតាម ដើម្បីឲ្យលទ្ធផលតេស្តចេញមកត្រឹមត្រូវ។

អាស្រ័យលើប្រភេទនៃការធ្វើតេស្តឈាម អ្នកអាចត្រូវបានស្នើសុំឱ្យ៖

• ជៀសវាងការញ៉ាំ ឬផឹកអ្វីទាំងអស់ (តមអាហារ) ក្រៅពីទឹករហូតដល់ទៅ ១២ ម៉ោង 
• បញ្ឈប់ការប្រើថ្នាំមួយចំនួន

ការធ្វើតេស្តឈាមជាធម្មតា គេធ្វើនៅពេលព្រឹក បន្ទាប់ធ្វើតាមការណែនាំបានត្រឹមត្រូវ។ វាត្រូវបានណែនាំឱ្យអ្នកធ្វើតេស្តឈាមយ៉ាងហោចណាស់ម្តងក្នុងមួយឆ្នាំ អំឡុងពេលពិនិត្យសុខភាពប្រចាំឆ្នាំរបស់អ្នក។  

ប្រសិនបើអ្នកមានស្ថានភាពសុខភាពដូចជា លើសសម្ពាធឈាម ជំងឺបេះដូង ឬជំងឺទឹកនោមផ្អែម អ្នកប្រហែលជាត្រូវបង្កើនការធ្វើតេស្តឈាមរបស់អ្នករៀងរាល់ ៣ ឬ ៦ ខែម្តង អាស្រ័យលើការណែនាំរបស់អ្នកផ្តល់សេវារបស់អ្នក។

ទៅពេទ្យ(TOVPET)មានផ្តល់នូវកញ្ចប់ពិនិត្យសុខភាពទូទៅទាំងនៅគ្លីនិក និងអាចចុះទៅដល់តាមផ្ទះ ជាមួយនិងតម្លៃសមរម្យ និងលទ្ធផលច្បាស់លាស់ដែលអាចទុកចិត្តបាន។

***កញ្ចប់ពិនិត្យសុខភាពទូទៅនៅគ្លីនិក (Foundation Adult Health Cheakup Package - Come to Clinic) https://tovpet.com/collections/home-care-services/products/foundation-health-package-foundation

***កញ្ចប់ពិនិត្យសុខភាពដល់ផ្ទះ សម្រាបអ្នកមានអាយុលើសពី៤០ឆ្នាំ (Home Health Package x 1 (Male or Female <40 Years) - At home service) https://tovpet.com/collections/home-care-services/products/40-home-health-checkup

អ្នកប្រហែលជាកំពុងស្ថិតនៅក្នុងវ័យ២០ ឬ៣០ឆ្នាំ ដែលជាវ័យពេញកំលាំងធ្វើការ។ ហើយជាញឹកញាប់ ប្រហែលមិនសូវចាប់អារម្មណ៍លើសុខភាពផ្ទាល់ខ្លួន ដោយសំអាងថាអ្នកមិនស្ថិតនៅក្នុងហានិភ័យនៃការកើតជំងឺធ្ងន់ធ្ងរទេ ដ្បិតជំងឺទាំងនេះច្រើនកើតលើមនុស្សវ័យចំណាស់។ ប្រសិនបើអ្នកគិតថាវ័យរបស់អ្នកមិនមែនជាវ័យនៃជំងឺ អ្នកគិតខុសហើយ។

យោងតាមវេជ្ជបណ្ឌិត អេរិន មីខូ ដែលអ្នកជំនាញ ខាងជំងឺបេះដូងនៃសកលវិទ្យាល័យ ចនហប់ឃីន នៅសហរដ្ឋអាមេរិចបានលើកឡើងថា ការកើនឡើងនៃបញ្ហាធាត់លើសទំងន់ និងរបៀបរបបរស់នៅដែលមិនសូវបញ្ចេញកំលាំងដូចជាអ្នកធ្វើការងារក្នុងការិយាល័យជាដើម ធ្វើអោយមានការកើនឡើងនូវបញ្ហាលើសជាតិខ្លាញ់កូឡេស្តេរ៉ូល និងការលើសសម្ពាធឈាមចំពោះប្រជាជនវ័យក្រោម៤០ឆ្នាំ។  បញ្ហាដែលលោកវេជ្ជបណ្ឌិត អេរិន បានលើកឡើងខាងដើម អាចនាំទៅដល់ជំងឺ៤ ដែលអ្នកជំនាញផ្នែកសុខភាពរកឃើញថាអាចកើតលើមនុស្សទាំងវ័យក្មេង៖

ជំងឺលើសសម្ពាធឈាម

សម្ពាធឈាមសំដៅដល់សម្ពាធនៃលំហូររបស់ឈាមទៅលើជញ្ជាំងសរសៃឈាម។ ជាធម្មតាសម្ពាធឈាមមនុស្សពេញវ័យគឺ ក្រោម 120/80 mmHg។ សម្ពាធឈាមដែលលើសពី 120/80 mmHg អាចជាសញ្ញានៃជំងឺលើសសម្ពាធឈាម។ ជំងឺលើសម្ពាធឈាម ត្រូវបានគេហៅថាជាឃាតករលាក់មុខ ដោយសារជំងឺនេះអាចនឹងមិនបង្ហាញរោគសញ្ញាសោះ តែមានឥទ្ធិពលសម្លាប់មនុស្សតាមរយៈការធ្វើអោយខូចខាតដល់បេះដូង តម្រងនោម សរសៃឈាម និងខួរក្បាល។ ការធាត់លើសទំងន់ ការពិសាជាតិអាល់កុល ភាពអសកម្មនៃរាង្គកាយ និងការបរិភោគជាតិអំបិលច្រើនត្រូវបានគេរកឃើញថាជាមូលហេតុដែលអាចនាំទៅដល់ជំងឺលើឈាមនេះ។ ការពិនិត្យសុខភាពជាប្រចាំអាចអនុញ្ញាតអោយអ្នកតាមដានពីសម្ពាធឈាមរបស់ខ្លួន និងធ្វើការផ្លាស់ប្តូររបៀបរបបរស់នៅដែលផ្តល់ហានិភ័យទាន់ពេលវេលា។​ 

ជំងឺទឹកនោមផ្អែមប្រភេទ២ 

ជំងឺទឹកនោមផ្អែមកើតឡើងនៅពេលដែលលំពែងរបស់មនុស្សមិនអាចគ្រប់គ្រងបរិមាណជាតិស្ករនៅក្នុងឈាមបានប្រក្រតី។ ជាញឹកញាប់គេតែងនិយាយថាជំងឺនេះច្រើនកើតឡើងតែលើមនុស្សចាស់ ប៉ុន្តែសំទុះនៃការអភិវឌ្ឍ និងភាពសម្បូរសប្បាយនៃជីវិតធ្វើអោយជំងឺនេះកើនឡើងនៅលើមនុស្សវ័យក្មេងផងដែរ។ ជំងឺទឹកនោមផ្អែមនេះ ត្រូវបានគេរកឃើញថាមានការកើនឡើងជាមួយនិងការធាត់លើសទំងន់។ អង្គការសុខភាពពិភពលោក ក៏ដូចជាស្ថាប័នពាក់ព័ន្ធនានាបាននិងកំពុងធ្វើការផ្សព្វផ្សាយ និងដាក់ចេញនូវវិធានការជាច្រើនទាក់ទងនិងជំងឺទឹកនោមផ្អែមនេះ តាមរយៈការបង្កើនការយល់ដឹងអំពីហានិភ័យនៃការធាត់លើសទំងន់ និងការបរិភោគជាតិស្កររួមមានការបរិភោគភេសជ្ជៈផ្អែមច្រើនលើសកំរិតជាដើម។ វិធានការផ្ទាល់ខ្លួនមួយដើម្បីជួយអ្នកក្នុងការកាត់បន្ថយហានិភ័យធ្ងន់ធ្ងរនៃជំងឺទឹកនោមផ្អែម គឺការពិនិត្យជាតិស្ករក្នុងឈាមទៀងទាត់។ 

ជំងឺដាច់សរសៃឈាមខួរក្បាល

ជំងឺដាច់សរសៃឈាមខួរក្បាល កើតឡើងនៅពេលដែលសរសៃឈាមតូចៗដែលទៅចិញ្ចឹមខួរក្បាលផ្ទុះបែក ធ្វើអោយឈាមមិនអាចទៅចិញ្ចឹមកោសិកាខួរក្បាលបាន។ ផ្នែកនៃខួរក្បាលដែលមិនមានឈាមចិញ្ចឹមនោះនឹងរងការខូចខាតជាទំងន់ ហើយធ្វើអោយខួរក្បាលបាត់មុខងារសំខាន់របស់វាដូចជាការបញ្ជាសាច់ដុំជាដើម។ ឧទាហរណ៍ ក្រោយដាច់សរសៃឈាមខួរក្បាល អ្នកជំងឺអាចស្លាប់មួយចំហៀងខ្លួន។​ ជាញឹកញាប់ ជំងឺដាច់សរសៃឈាមខួរក្បាលកើតលើមនុស្សវ័យលើស៦៥ឆ្នាំ ប៉ុន្តែ កត្តាហានិភ័យបាននិងកំពុងកើនឡើងចំពោះបុគ្គលវ័យក្មេងផងដែរ ជាពិសេសគឺទៅលើអ្នកដែលមានបញ្ហាលើសជាតិខ្លាញ់ លើសសម្ពាធឈាម ឬមានទឹកនោមផ្អែម។ ការតាមដានសុខភាពពិសេសជាតិខ្លាញ់អាក្រក់នៅក្នុងឈាម គឺជាមធ្យោបាយដ៏ល្អមួយដែលអាចជួយអោយអ្នកជៀសផុតហានិភ័យនៃការដាច់សរសៃឈាមខួរក្បាល។

ជំងឺមហារីកពោះវៀនធំនិងចុងពោះវៀនធំ

ជាច្រើនឆ្នាំមកហើយ ដែលអ្នកវិទ្យាសាស្រ្តរកឃើញថាមនុស្សដែលមានអាយុកាន់តែច្រើនប្រឈមនឹងជំងឺមហារីកពោះវៀនធំ និងចុងពោះវៀនធំកាន់តែខ្លាំង។ ប៉ុន្តែប៉ុន្មានឆ្នាំចុងក្រោយនេះ គេចាប់ផ្តើមសង្កេតឃើញជំងឺប្រភេទនេះកើតឡើងកាន់តែញឹកញាប់លើមនុស្សវ័យក្មេង។ បើយោងតាម វេជ្ជបណ្ឌិត នីឡូ អាសាដ ដែលជាសាស្រ្តាចារ្យរងផ្នែកមហារីកវិទ្យានៃសកលវិទ្យាល័យចន ហប់ឃីន បច្ចុប្បន្ននេះគេមិនទាន់កំណត់មូលហេតុអោយបានច្បាស់លាស់នៅឡើយទេថាហេតុអ្វីជំងឺនេះចាប់ផ្តើមកើតច្រើនលើប្រជាជនវ័យក្មេង។ បើទោះជាយ៉ាងនេះក្តី ការតាមដានសុខភាពជាទៀងទាត់​ក៏ដូចជាការពិគ្រោះជាមួយគ្រូពេទ្យនៅពេលដែលលោកអ្នកមានបញ្ហាទាក់ទងពោះវៀនធំដូចជាការបត់ជើងធំឬចលនាពោះវៀនធំមិនប្រក្រតីគឺជាជម្រើសដ៏ត្រឹមត្រូវដើម្បីធានាថាមិនយឺតពេលប្រសិនបើមានបញ្ហាមហារីកនេះកើតឡើង។

សរុបសេចក្តីមក ការយកចិត្តទុកដាក់ថែរក្សាសុខភាពគឺជារឿងចាំបាច់មិនអាចព្រងើយកន្តើយបានឡើយ មិនថាអ្នកស្ថិតនៅក្នុងវ័យណានោះទេ។ 

កញ្ចប់ពិនិត្យសុខភាពប្រចាំឆ្នាំសម្រាប់វ័យក្រោម៤០ឆ្នាំ

ឯកសារយោង:

• https://www.hopkinsmedicine.org/health/wellness-and-prevention/5-health-problems-youre-actually-not-too-young-for
• https://www.cdc.gov/bloodpressure/about.htm
• https://www.cdc.gov/diabetes/basics/diabetes.html
• https://www.cdc.gov/stroke/about.htm

ថ្នាំ72ម៉ោងឬ ថ្នាំពន្យារកំណើតបន្ទាន់ ឬគេហៅថា morning-after pill ជាថ្នាំការពារពីការមានផ្ទៃពោះ បន្ទាប់ពីការរួមភេទដោយមិនបានការពារ។ ថ្នាំពន្យារកំណើតបន្ទាន់ មានប្រសិទ្ធភាពបំផុតនៅពេលលេបក្នុងរយៈពេល 72ម៉ោង (3 ថ្ងៃ) បន្ទាប់ពីការរួមភេទ។

គួរប្រើពេលណា?
- គេប្រើក្នុងគោលបំណងសម្រាប់ការពន្យារកំណើតបម្រុងតែប៉ុណ្ណោះ ក្នុងករណីមួយចំនួនដូចជា
- ស្រោមអនាម័យរហែក ឬរបូតពេលរួមភេទ
- មានការរំលោភសេពសន្ថវៈ
- ការប្រើប្រាស់វិធីសាស្ត្រពន្យារកំណើតជាអចិន្ត្រៃយ៍មិនត្រឹមត្រូវ (ខកខានការលេបថ្នាំ POP រឺ COC 2 ថ្ងៃជាប់ៗគ្នា ជាដើម)

របៀបប្រើ៖
- លេបតាមមាត់ អោយបានលឿនបំផុតមុនរយៈពេល72ម៉ោង
- ករណីមានក្អួតបន្ទាប់ពីលេបថ្នាំបាន 2-3ម៉ោង សូមលេបបន្ថែម1គ្រាប់ទៀត

ផលរំខាន៖
- ក្អួតចង្អោរ វិលមុខ ឈឹក្បាល
- តឹងដោះ
- រដូវមិនទៀងជាដើម

សូមពិគ្រោះជាមួយគ្រូពេទ្យក្នុងករណី
- សង្ស័យថាមានផ្ទៃពោះ
- មានការផ្លាស់ប្តូរក្លិន ឬពណ៌នៃទឹករំអិលទ្វារមាស
- ឈឺពោះ ឬអាងត្រគាក
- មានការឈឺចាប់អំឡុងពេលរួមភេទ
- មានការហូរឈាមទ្វារមាសខ្លាំង ឬយូរ
- ខកខានមករដូវក្នុងរយៈពេល 4 សប្តាហ៍បន្ទាប់ពីប្រើថ្នាំពន្យារកំណើតបន្ទាន់

ប្រភព៖ 

https://www.who.int/news-room/fact-sheets/detail/emergency-contraception

អាពាហ៍ពិពាហ៍គឺជាដំណាក់កាលដ៏សំខាន់សម្រាប់មនុស្សគ្រប់រូប ហើយមានទំនួលខុសត្រូវផ្សេងៗជាច្រើនសម្រាប់គូស្នេហ៍ដែលត្រូវធ្វើមុនថ្ងៃរៀបមង្គលការ។ ទោះជាយ៉ាងណាក៏ដោយ គូស្នេហ៍ភាគច្រើនមិនបានគិត និងមើលរំលងចំនុចសំខាន់ដែលទាក់ទងនឹងការពិនិត្យសុខភាពមុនពេលរៀបការ។

តើអ្វីទៅជាការធ្វើតេស្ត ពិនិត្យសុខភាពមុនពេលរៀបការ?

ការធ្វើតេស្តពិនិត្យមុនពេលរៀបការ គឺជាស៊េរីនៃការពិនិត្យសុខភាពជាប្រចាំ បន្ថែមពីលើការធ្វើតេស្តជាក់លាក់ផ្សេងទៀត ដូចជាការតេស្តពីជំងឺតំណពូជ ការមានកូន និងជំងឺកាមរោគ (ជំងឺឆ្លងតាមរយៈការរួមភេទ)។ ការធ្វើតេស្តមានសារៈសំខាន់ព្រោះវាអាចការពារផលវិបាកសុខភាពបន្ថែមទៀត ឬជំងឺហ្សែននាពេលអនាគត។

ហេតុ​អ្វី​បាន​ជា​ការ​ពិនិត្យ​សុខភាព​មុន​ពេល​រៀប​ការ​គឺ​សំខាន់?

វាមានសារៈសំខាន់ណាស់ក្នុងការយល់ដឹងអំពីស្ថានភាពសុខភាពគ្នាទៅវិញទៅមក ដោយសារគូស្នេហ៍នីមួយៗមិនយល់ច្បាស់អំពីប្រវត្តិផ្លូវភេទរបស់ដៃគូ ដូច្នេះការរកឃើញឱ្យបានឆាប់អំពីលទ្ធភាពមានកូន ឬជំងឺឆ្លងផ្សេងៗគឺជារឿងសំខាន់។

សារៈសំខាន់៖

• ដើម្បីវាយតម្លៃការត្រៀមខ្លួនក្នុងការមានកូន
• ដើម្បីកំណត់បញ្ហាដែលអាចកើតមាន ឬលក្ខខណ្ឌទាក់ទងនឹងសុខភាពដែលអាចប៉ះពាល់ដល់ការមានផ្ទៃពោះ និងទារក និង
• ដើម្បីបង្កើតផែនការព្យាបាលសមស្របដើម្បីបង្កើនលទ្ធភាពនៃការមានកូន។

តេស្តសំខាន់ដែលត្រូវពិនិត្យមុនពេលរៀបអាពាហ៍ពិពាហ៍៖

1. ​ការវាយតម្លៃសុខភាពទូទៅ៖ ទម្ងន់ កម្ពស់ សម្ពាធឈាម មុខងារផ្លូវដង្ហើម និងមុខងារសរសៃឈាមបេះដូង ព្រមទាំងការពិនិត្យសុដន់ និងពិនិត្យតំបន់បរិវេនពោះ
2. ការធ្វើតេស្តឈាម៖ ការធ្វើតេស្តក្រុមឈាម (ABO-RH) និងការរាប់គ្រាប់ឈាមពេញលេញ (CBC), អង្គបដិប្រាណប្រឆាំងនឹងកញ្ជ្រឹលអាល្លឺម៉ង់ (ស្អូច) និងជំងឺរលាកថ្លើមប្រភេទ B
3. ការពិនិត្យជំងឺដែលឆ្លងតាមរយៈការរួមភេទ (STD)៖ រោគស្វាយ, ជំងឺប្រមេះទឹកបាយ, ជំងឺអ៊េប៉េស(herpes), ជំងឺបង្ករដោយមេរោគ​ Chlamydia, បាក់តេរីនៅទ្វារមាស, ការឆ្លងដោយមេរោគផ្សិត និងការធ្វើតេស្តមេរោគអេដស៍
4. ការពិនិត្យរោគស្ត្រី៖៖ ការពិនិត្យលើទ្វារមាស និងមាត់ស្បូន រកមើលស្ថានភាពរោគស្ត្រី ដូចជាដុំគីសសូកូឡា និងដុំសាច់ស្បូន (ហៅថាដុំសាច់ស្បូន)។

កញ្ចប់ពិនិត្យសុខភាពមុនពេលរៀបការដល់គេហដ្ឋាន

ប្រភព៖

https://elyonclinic.com.sg/pre-marital-screenings-why-couples-need-them-before-marriage/

https://www.bangkokhospital.com/en/content/check-up-before-marriage

https://healthtracka.com/pre-marriage-test-for-couples/