ជំងឺទឹកនោមផ្អែម? What is diabetes complications?

អ្វីទៅជាជំងឺទឹកនោមផ្អែម និងផលវិបាកទៅថ្ងៃអនាគត!

ជំងឺទឹកនោមផ្អែម គឺជាបញ្ហាសុខភាពរុំារ៉ៃ (ពេញមួយជីវិត) ដែលកើតឡើងនៅពេលដែលជាតិស្ករក្នុងឈាម (ជាតិគ្លុយកូស) ឡើងខ្ពស់ពេករយៈពេលយូរ។ វាអាចប៉ះពាល់ដល់មនុស្សគ្រប់វ័យ ប៉ុន្តែជំងឺនេះអាចគ្រប់គ្រងបានជាមួយនឹងការប្រើថ្នាំ ឬការផ្លាស់ប្តូរបែបបត់នៃការរស់នៅ។ ជាតិស្ករក្នុងឈាម (គ្លុយកូស) ភាគច្រើនបានមកពីកាបូអ៊ីដ្រាតនៅក្នុងអាហារ និងភេសជ្ជៈ។ ឈាមជាអ្នកនាំគ្លុយកូសទៅកាន់កោសិកាទាំងអស់ក្នុងរាងកាយ ក្រោមការសម្របសម្រួលពីអាំងស៊ុយលីន (អរម៉ូន) ដើម្បីប្រើប្រាស់ជាថាមពល។ នៅពេលកម្រិតអាំងស៊ុយលីនមិនគ្រប់គ្រាន់ រឺ កោសិការឈប់ឆ្លើយតបជាមួុយអាំងស៊ុយលីន ជាហេតុបណ្តាលឱ្យមានជាតិស្ករក្នុងឈាមខ្ពស់ និងមិនអាចគ្រប់គ្រងបានល្អ។

ផលវិបាករយៈពេលវែងនៃជំងឺទឹកនោមផ្អែមនឹងវិវត្តបន្តិចម្តងៗ នៅពេលអ្នកជំងឺគ្រប់គ្រងជាតិស្ករក្នុងឈាមមិនបានល្អ និងមិនបានទទួលការព្យាលបាលត្រឹមត្រូវ។ អ្នកជំងឺប្រឈមទៅនឹងពិការភាព, ប៉ះពាល់ជីវភាពរស់នៅប្រចាំថ្ងៃ ឬអាចគំរាមគំហែងដល់អាយុជីវិត ដោយសារ ការយាយីពីជំងឺផ្សេងៗដូចជា៖

-ជំងឺបេះដូង និងសរសៃឈាម

-ខូចប្រព័ន្ធសរសៃប្រសាទ

-ជំងឺពាក់ព័ន្ធនឹងតម្រងនោម

-ប៉ះពាល់ដល់ភ្នែក, ត្រចៀក និងស្បែក ជាដើម

-វិបត្តផ្លូវចិត្ត

រោគសញ្ញានៃជំងឺទឹកនោមផ្អែមរួមមាន៖

-ស្រេកទឹក (polydipsia) និងមាត់ស្ងួត

-ការនោមញឹកញាប់

-ញុំាច្រើន

-អស់កម្លាំង

-ការមើលឃើញថយចុះ

-សម្រកទម្ងន់ដែលមិនដឹងពីមូលហេតុ

-រោយកញ្ចឹករ ស្ពឹកខ្លួន ឬ ស្ពឹកដៃ ជើង

-របួសជាសះស្បើយយឺត

-ងាយឆ្លងមេរោគផ្សិតលើស្បែក ឬ ទ្វារមាសញឹកញាប់

ជំងឺទឹកនោមផ្អែមប្រភេទទី ១ មិនអាចការពារបានទេ ប៉ុនែ្តជំងឺ​ទឹកនោមផ្អែម​ប្រភេទ​ទី​២ និង​ទឹកនោមផ្អែម​ពេល​មាន​គភ៌​ អាច​ការពារ ឬព្យាពេលការវិវត្តទៅជា​ជំងឺនៅពេលអនាគតបាន តាមរយៈវិធីសាមញ្ញាៗមួយចំនួនដូចជា៖

- ព្យាយាមរក្សាទម្ងន់មិនអោយលើល

-ត្រូវមានសកម្មភាពផ្សេងៗ ឬហាត់ប្រាណអោយបានទៀងទាត់

-ការជ្រើសរើសអាហារដែលត្រឹមត្រូវ

-បញ្ឈប់ការជក់បារី និងទទួលទានគ្រឿងស្រវឹង

-ពិនិត្យសុខភាពអោយបានទៀងទាត់ យ៉ាងតិច២ដងក្នុង១ឆ្នាំ

សូមជួបពិគ្រោះជាមួយគ្រូពេទ្យជំនាញដើម្បីពិនិត្យនិងទទួលការព្យាបាលបានត្រឹមត្រូវ។

ប្រភព៖​ CDC.gov

ពិគ្រោះយោបល់ជាមួយឱសថការី៖ 099 914 657 (https://t.me/tovpetKH)

ទិញថ្នាំតាមទំព័រអនឡាញរបស់ទៅពេទ្យ៖ https://tovpet.com/collections/anti-diabetic-medicines